عنواننا هو التميز و التألق
 
الرئيسيةالبوابةاليوميةمكتبة الصورس .و .جبحـثالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» ماتين السيف اروع و اجمل سيرفر خاص
الخميس سبتمبر 10, 2015 10:29 am من طرف زائر

» تأجير سيارات خاصة مع سائق عربي في اسطنبول ، تركيا
الخميس أغسطس 27, 2015 6:00 am من طرف تسويق 2

» فاقد عضوو تعى هوون..
الثلاثاء أغسطس 04, 2015 1:25 am من طرف 卍 AnGeL ~IN~ H3LL 卍

» الدبلومة المهنية في مهارات الاختيار والتعين
الأربعاء يونيو 04, 2014 4:09 pm من طرف زائر

» عزل مائي - عزل حراري - كشف تسربات 0507420389 - 0558651827
الخميس أبريل 10, 2014 2:17 pm من طرف زائر

» لعبه حلوووووووووووه
الأربعاء أبريل 02, 2014 5:06 pm من طرف زائر

» ادعوكم للتسجيل فى منتداى
الأربعاء ديسمبر 25, 2013 4:15 pm من طرف زائر

» شو عم تسمع هلق....؟
الثلاثاء يونيو 05, 2012 1:45 pm من طرف 卍 AnGeL ~IN~ H3LL 卍

» لعبة اخر تعليق (دردشة بلا حدود )
الثلاثاء يونيو 05, 2012 9:12 am من طرف 卍 AnGeL ~IN~ H3LL 卍

أفضل 10 أعضاء في هذا الأسبوع
دعماً لفلسطين

سحابة الكلمات الدلالية

شاطر | 
 

 تقبرني... تقبشني... الله يقصف عمرك!!!

اذهب الى الأسفل 
كاتب الموضوعرسالة
ملاك الشام
عضو ألماسي
عضو ألماسي
avatar

عدد المساهمات : 944
العمر : 27

مُساهمةموضوع: تقبرني... تقبشني... الله يقصف عمرك!!!   الجمعة أكتوبر 28, 2011 7:21 am

إليكم هذا الحوار بين امرأة أيام زمان وزوجها

الزوج:

- مرحبا يا مرة... شو عاملتينا عشا اليوم؟





الزوجة:

- يه يه يه... تقبر عضامي... إجيت حبيبي؟!! تقبرني شو حركتك خفيفة وما بتزعج حدا... لك حلّت البركة على أرض الديار يا روحي... طابختلك حرّه بأصابيعو ويالنجي وكبة لبنية تقبشني...

الزوج:

- يا الله يالله بلا كتر غلبة، قومي حطي الأكل قومي..

الزوجة:

- لك إي مو تكرم ابن عمي... مو تكرم... لك من هالعين هَي قبل هَي...

الزوج:

- ناموا الولاد؟



الزوجة من المطبخ:

- ناموا حبيبي ناموا على عشية، وحميتلّك الحمام يا عمري...



الزوج بعد أن يرى أصناف المائدة أمامه:

- إيييييييييييييييييييييييه... باين السهرة رح تحلى اليوم...

يمضغ اللقمة الأولى ويقول:



- ممممممممممممم طيبة هالكبة طيبة!!!

الزوجة رافعة يدييها للسماء:

- لك روح... ربي مولايي يبيضلك أيامك... ويبعد عنك ولادين الحرام يا حق..

ينهي الزوج طعامه قائلاً:

- الحمد لله...

الزوجة:

- عجبك الأكل يا عمري...

الزوج:

- إي والله... تسلم إيديكي...

الزوجة مرتبكة من الفرح:

- عجبك الأكل؟؟!... لك تطلع على قبري شو إنّك هني وبتعرف تحكي... لك تكفنّي بإيديك على هالكلام الحلو يا حق.. بكرة بدي اعملّك حمام محشي وبطاطا بالفرن إي بدك تاكل أصابيعك وراهن...

الزوج وهو ينشّف يديه بعد غسلها:

- جاهز الحمام يا مرة ؟؟

الزوجة بخجل... وبابتسامتها الحلوة:

ولَو تقبشني... ولَو!!! وحطيطيلك صابونة غار من يللي جابتهم أمك تقبرني...

ـــــــــــــــــ

وإليكم هذا الحوار بين امرأة اليوم وزوجها



الزوج:

- مرحبا يا حلوة... شو عاملتينا عشا اليوم؟

الزوجة ملتفتة إليه وبيدها جريدة:

- شو إيمتى جيت؟؟ مبكّر مو على عادتك يعني... على كلٍ عملتلك مجدرة برغل وعدس... شو بدي اطبخلك يعني ومبارح أكلت لحمة بالصينية؟؟...

الزوج:

- يا الله تقبشيني، قومي حطيلنا الأكل لناكل..

الزوجة:

- ليكو الأكل عندك بالمطبخ... وين بدو يروح يعني؟؟!! كمان بدي جبلك الأكل لحد عندك؟!

الزوج باتجاهه إلى المطبخ:

- ناموا الولاد على حد علمك؟



الزوجة:

- إي شو نيّمهم هلق وبكرة عندهم عطلة؟؟؟ ...



الزوج يحدث نفسه من المطبخ:

- العمى شو هالمجدرة؟؟!!!!!...



يمضغ اللقمة الأولى ويقول:

- إي والله كأني عم آكل بحص مو برغل!!!



الزوجة :

- شو عم تبَروِت يا رجال؟؟



ينهي الزوج طعامه قائلاً:

- آ... ؟؟ مو شي حبيبتي... موشي...

الزوجة:

- عجبك الأكل؟...

الزوج بإحباط:

- إي طبعاً طبعاً... تسلم إيديكي...

الزوجة بتأفف:

- معناها كل يوم بعملك منها إذا حبيت...

الزوج وهو ينشّف يديه:

- جاهز الحمام يا ترى؟؟



الزوجة ترمي الجريدة أرضاً صارخة في وجهه:

- العمى على هالقصة... طبختِي يامرة؟... ناموا الولاد يامرة؟...جاهز الحمام يا مرة؟... إي شو أنا ما عندي شغل غيرك يا رجال ؟؟!!! خليك عند الولاد... أنا رايحة عالمول...



الرجوع الى أعلى الصفحة اذهب الى الأسفل
卍 AnGeL ~IN~ H3LL 卍
♔ BaBa JacKaL ♔
♔ BaBa JacKaL ♔
avatar

عدد المساهمات : 1840

مُساهمةموضوع: رد: تقبرني... تقبشني... الله يقصف عمرك!!!   الجمعة أكتوبر 28, 2011 11:07 pm

هههههههههههههههه
...
و الله ظريفة هل القصة ..
و على فكرة زوجة اليوم يلي عم تحكي عنها
هي سبب كثرة الطلاق بالمجتمع ( اكيد مو بشكل كلي )
بس يعني وقت يكون الجوز .. متل يلي بالقصة و تكون عندو
هيك زوجة .. اكيد بطلق ..
بينما يلي بكون عندو زوجة من النوع الاول .. بكون حمار اذا طلق



wHo the lord of Fukeing Game < J > yahE! Say My Name ??








الرجوع الى أعلى الصفحة اذهب الى الأسفل
http://chat7.ba7r.org
بائعة الورد
الطاقم الاداري
الطاقم الاداري
avatar

عدد المساهمات : 1510

مُساهمةموضوع: رد: تقبرني... تقبشني... الله يقصف عمرك!!!   السبت أكتوبر 29, 2011 2:34 am


مممم يمكن رجال زمان كان مثبت وجوده لانه بتعامله كان رجال فعلاً

صحيح ممكن انه يكون قاسي بس بيكون عنده مبادئ وقيم وبيعطيها حقوقها كامله

بس رجال اليوم بتلاقي بيطنشها وعلى طول سهران ,ورفقاته اهم عنده منها ومن حياتهم

ممكن كمان يكون تارك كل العبيء عليها مشان هيك بترد بتزهئ هي وبتغير معاملتها معه

مابعرف هو مو الكل هيك بس في فئه كبيره من هل نوعيه والستات كمان في فئه منهم من النوع الي ذكره

جيكل وفي فئه بتكون منيحه يعني مو كل الاصابع مثل بعضهاا بس انا حبيت ادرج بعض الانواع من الازواج

واسفه ازا طولت بمداخلتي ويسلمو على القصه الطريفه ذات المعنى , واتمنى ان تتقبلي مروري

دمتي بود




__________________




بائعة الورد



الرجوع الى أعلى الصفحة اذهب الى الأسفل
الحب المستحيل
الطاقم الاداري
الطاقم الاداري
avatar

عدد المساهمات : 275

مُساهمةموضوع: رد: تقبرني... تقبشني... الله يقصف عمرك!!!   السبت أكتوبر 29, 2011 8:07 am

والله النسوان مابيعجبهون العجب ولا صيام برجب هههههههههههههههههههههههههه



يسلمو على القصة الحلوة واحلى شي انها بالشامي حاسس حالي قاعد عم اتفرج على التلفزيون ههههههههه


ياخوفي مرتي تطلع من النوع التاني والله مابتني تاني يوم عندي هههههههههه


تقبلي مروري


الحب المستحيل




لك تريد الحق

هن الي يحكمن

وقوفا يارجال

اخذوا التحية وانتم عيوني

الرجوع الى أعلى الصفحة اذهب الى الأسفل
ملاك الشام
عضو ألماسي
عضو ألماسي
avatar

عدد المساهمات : 944
العمر : 27

مُساهمةموضوع: رد: تقبرني... تقبشني... الله يقصف عمرك!!!   الأحد أكتوبر 30, 2011 9:53 pm

JacKaL كتب:
هههههههههههههههه
...
و الله ظريفة هل القصة ..
و على فكرة زوجة اليوم يلي عم تحكي عنها
هي سبب كثرة الطلاق بالمجتمع ( اكيد مو بشكل كلي )
بس يعني وقت يكون الجوز .. متل يلي بالقصة و تكون عندو
هيك زوجة .. اكيد بطلق ..
بينما يلي بكون عندو زوجة من النوع الاول .. بكون حمار اذا طلق
بخالفك براي اخي لانو بدوو الغلط يكون من ناح المره والرجال ونحنا الزمن اتغير متل ماعم الشب عم يشتغل المره كمان عم تشتغل برات البيت وجوا البيت وكل هاد ماعم يرضيكون يعني لاهيك عاجبكون ولاهيك عاجبكون

عموما اسعدني مروورك

دمت بوود
الرجوع الى أعلى الصفحة اذهب الى الأسفل
ملاك الشام
عضو ألماسي
عضو ألماسي
avatar

عدد المساهمات : 944
العمر : 27

مُساهمةموضوع: رد: تقبرني... تقبشني... الله يقصف عمرك!!!   الأحد أكتوبر 30, 2011 10:01 pm

بائعة الورد كتب:

مممم يمكن رجال زمان كان مثبت وجوده لانه بتعامله كان رجال فعلاً

صحيح ممكن انه يكون قاسي بس بيكون عنده مبادئ وقيم وبيعطيها حقوقها كامله

بس رجال اليوم بتلاقي بيطنشها وعلى طول سهران ,ورفقاته اهم عنده منها ومن حياتهم

ممكن كمان يكون تارك كل العبيء عليها مشان هيك بترد بتزهئ هي وبتغير معاملتها معه

مابعرف هو مو الكل هيك بس في فئه كبيره من هل نوعيه والستات كمان في فئه منهم من النوع الي ذكره

جيكل وفي فئه بتكون منيحه يعني مو كل الاصابع مثل بعضهاا بس انا حبيت ادرج بعض الانواع من الازواج

واسفه ازا طولت بمداخلتي ويسلمو على القصه الطريفه ذات المعنى , واتمنى ان تتقبلي مروري

دمتي بود



اهلا وسهلا فيكي انرتي صفحتي بمداخلتك واكيد متل ماقلتي مو كلون متل بعض وهاد بيعتمد ع اسلوب كل واحد فيهون

اسعدني مرووورك

دمتي بوود
الرجوع الى أعلى الصفحة اذهب الى الأسفل
ملاك الشام
عضو ألماسي
عضو ألماسي
avatar

عدد المساهمات : 944
العمر : 27

مُساهمةموضوع: رد: تقبرني... تقبشني... الله يقصف عمرك!!!   الأحد أكتوبر 30, 2011 10:05 pm

الحب المستحيل كتب:
والله النسوان مابيعجبهون العجب ولا صيام برجب هههههههههههههههههههههههههه

بالله لكن انتو شوو بيعجبكون دخيلك

يسلمو على القصة الحلوة واحلى شي انها بالشامي حاسس حالي قاعد عم اتفرج على التلفزيون ههههههههه

اي تكرم عينك نشالله تكون استفدتت
ياخوفي مرتي تطلع من النوع التاني والله مابتني تاني يوم عندي هههههههههه

والله ازا انته طلعت من النووع التاني بدك تتحمل هي الي مارح تئعد عندك ولاسانيه
تقبلي مروري


الحب المستحيل

اهلا وسهلا فيك اسعدني مروورك طبعن بحترم رايك ولمن هاد لايمنع انو تسمع الراي الاخر وتحترموو

دمت بوود

ملااااااااك
الرجوع الى أعلى الصفحة اذهب الى الأسفل
 
تقبرني... تقبشني... الله يقصف عمرك!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شات سفن  :: قـسم آدم وحواء :: منتدى الـحيـاة الـزوجية-
انتقل الى: